ಪದೇಪದೇ ಕೇಳಲಾಗುವ ಪ್ರಶ್ನೆಗಳು
Google Health ಗೆ ಸಂಬಂಧಿಸಿದ ಪ್ರಶ್ನೆಗಳಿಗೆ ಉತ್ತರಗಳನ್ನು ಹುಡುಕಿಕೊಳ್ಳಲು ಸಾಮಾನ್ಯವಾಗಿ ಕೇಳಲಾಗುವ ಪ್ರಶ್ನೆಗಳ ಸಂಗ್ರಹವನ್ನು ಬ್ರೌಸ್ ಮಾಡಿರಿ.
Google Health ಎಂದರೇನು?
ಆರೋಗ್ಯ ಮಾಹಿತಿಯನ್ನು ಒಟ್ಟುಗೂಡಿಸುವ ಮತ್ತು ಅರ್ಥಪೂರ್ಣವಾಗಿಸುವ ಉತ್ಪನ್ನಗಳು ಮತ್ತು ಸೇವೆಗಳ ಮೂಲಕ ಆರೋಗ್ಯವಂತರಾಗಿರಲು ಬಿಲಿಯನ್‌ಗಟ್ಟಲೆ ಜನರಿಗೆ ಸಹಾಯ ಮಾಡಲು Google Health ಬದ್ಧವಾಗಿದೆ. ಉತ್ತಮ, ತ್ವರಿತ ಮತ್ತು ಹೆಚ್ಚು ಸಂಪರ್ಕಗೊಂಡಿರುವ ಆರೈಕೆಯನ್ನು ಒದಗಿಸಲು ಆರೈಕೆ ತಂಡಗಳನ್ನು ಸಶಕ್ತವಾಗಿಸುವ ತಂತ್ರಜ್ಞಾನದ ಪರಿಹಾರಗಳನ್ನು ಅಭಿವೃದ್ಧಿಪಡಿಸುವ ನಿಟ್ಟಿನಲ್ಲಿ Google Health ಗಮನ ಹರಿಸುತ್ತಿದೆ. ಆರೋಗ್ಯದ ವಿಚಾರದಲ್ಲಿ ಕ್ರಮ ಕೈಗೊಳ್ಳಲು ಅಗತ್ಯವಿರುವ ಮಾಹಿತಿ, ಸಹಾಯ ಮತ್ತು ಸಂಪರ್ಕಗಳನ್ನು ಒದಗಿಸುವ ಮೂಲಕ ಆರೋಗ್ಯವಂತರಾಗಿರಲು ಜನರನ್ನು ಸಶಕ್ತರನ್ನಾಗಿಸುವ ಉತ್ಪನ್ನಗಳು ಮತ್ತು ವೈಶಿಷ್ಟ್ಯಗಳನ್ನು ರಚನೆಯಲ್ಲಿ ನಾವು ಕಾರ್ಯಪ್ರವೃತ್ತರಾಗಿದ್ದೇವೆ. ಹಾಗೂ ಕ್ಯಾನ್ಸರ್ ಪತ್ತೆಹಚ್ಚುವಿಕೆ, ರೋಗಿಗಳ ಫಲಿತಾಂಶಗಳ ಮುನ್ಸೂಚನೆ ನೀಡುವಿಕೆ, ಕುರುಡತನದ ತಡೆಗಟ್ಟುವಿಕೆ ಮತ್ತು ಇನ್ನೂ ಬಹಳಷ್ಟು ವಿಚಾರಗಳಲ್ಲಿ ನೆರವಾಗಲು ಕೃತಕ ಬುದ್ಧಿಮತ್ತೆಯನ್ನು (AI) ಬಳಸಬಹುದೇ ಎಂದು Google Health ಅನ್ವೇಷಿಸುತ್ತಿದೆ. ಪ್ರಪಂಚದ ಮಾಹಿತಿಯನ್ನು ವ್ಯವಸ್ಥಿತಗೊಳಿಸುವ ಹಾಗೂ ಅದು ಎಲ್ಲರಿಗೂ ದೊರಕುವಂತೆ ಮತ್ತು ಉಪಯುಕ್ತವಾಗುವಂತೆ ಮಾಡುವ Google ನ ಧ್ಯೇಯಕ್ಕೆ ನಮ್ಮ ಕೆಲಸ ಪೂರಕವಾಗಿದೆ.
Google ಆರೋಗ್ಯಸೇವಾ ವಿಭಾಗ ಎಂಬುದಿದೆಯೇ?
Google Health ಎಂಬುದು ಆರೋಗ್ಯ ಮಾಹಿತಿಯನ್ನು ಒಟ್ಟುಗೂಡಿಸುವ ಮತ್ತು ಅರ್ಥಪೂರ್ಣವಾಗಿಸುವ ಉತ್ಪನ್ನಗಳು ಮತ್ತು ಸೇವೆಗಳ ಮೂಲಕ ಬಿಲಿಯನ್‌ಗಟ್ಟಲೆ ಜನರಿಗೆ ಆರೋಗ್ಯವಂತರಾಗಿರಲು ಸಹಾಯ ಮಾಡುವ ಕಂಪನಿ ಮಟ್ಟದ ಪ್ರಯತ್ನವಾಗಿದೆ. Google Health ಅನ್ನು ವ್ಯಕ್ತಿಗಳು ಮತ್ತು ಆರೋಗ್ಯಸೇವಾ ಪೂರೈಕೆದಾರರು ಇಬ್ಬರಿಗೂ ನೆರವಾಗಲು ವಿನ್ಯಾಸಗೊಳಿಸಲಾಗಿದೆಯಾದರೂ, ಇಂದು Google ನಲ್ಲಿ "Google ಆರೋಗ್ಯಸೇವೆ" ಎಂಬ ವಿಭಾಗ ಅಥವಾ ಪ್ಲ್ಯಾಟ್‌ಫಾರ್ಮ್ ಅಸ್ತಿತ್ವದಲ್ಲಿಲ್ಲ.
Google ನನ್ನ ಆರೋಗ್ಯಸೇವೆಯ ಮಾಹಿತಿಯನ್ನು ಸಂಗ್ರಹಿಸುತ್ತದೆಯೇ?
ನೀವು Google ನ ಉತ್ಪನ್ನಗಳು ಮತ್ತು ಸೇವೆಗಳನ್ನು ಬಳಸುವಾಗ, ನಿಮ್ಮ ಡೇಟಾದ ವಿಚಾರದಲ್ಲಿ ನೀವು ನಮ್ಮನ್ನು ನಂಬುತ್ತೀರಿ. ನಿಮ್ಮ ಡೇಟಾವನ್ನು ಗೌಪ್ಯ ಮತ್ತು ಸುರಕ್ಷಿತವಾಗಿಡುವುದು ನಮ್ಮ ಜವಾಬ್ದಾರಿ. ಮತ್ತು Google Health ನಲ್ಲಿ, ನಾವು ಹೊಸ ಉತ್ಪನ್ನ ಮತ್ತು ಸೇವೆಗಳ ರಚನೆಯಲ್ಲಿ ತೊಡಗುವಾಗ ಮೂಲಭೂತ ಗೌಪ್ಯತೆ ಮತ್ತು ಸುರಕ್ಷತೆಯ ತತ್ವಗಳಿಂದ ಮಾರ್ಗದರ್ಶನ ಪಡೆಯುತ್ತೇವೆ. ಇನ್ನಷ್ಟು ತಿಳಿದುಕೊಳ್ಳಲು ಸುರಕ್ಷತಾ ಕೇಂದ್ರಕ್ಕೆ ಭೇಟಿ ನೀಡಿ.
Google Health ಸಂಶೋಧನೆ ಮತ್ತು Google ವೈದ್ಯಕೀಯ ಸಂಶೋಧನೆಯ ಉದಾಹರಣೆಗಳು ಯಾವುವು?
ದೀರ್ಘಕಾಲೀನ ಆರೋಗ್ಯ ತಂತ್ರಜ್ಞಾನದ ಸಾಮರ್ಥ್ಯವನ್ನು ಸಾಧಿಸಲು ಆರೋಗ್ಯಸೇವಾ ತಂತ್ರಜ್ಞಾನಗಳ ಲಭ್ಯತೆ ಮತ್ತು ನಿಖರತೆಯನ್ನು ಜಾಗತಿಕವಾಗಿ ವೃದ್ಧಿಸುವ ಅವಕಾಶಗಳನ್ನು ಅನ್ವೇಷಿಸುವು ಮತ್ತು ಹೊಸ AI ರಚಿಸುವ ನಿಟ್ಟಿನಲ್ಲಿ Google Health ಕಾರ್ಯನಿರ್ವಹಿಸುತ್ತಿದೆ. ಡಯಾಬೆಟಿಕ್ ರೆಟಿನೋಪಥಿ, ಮ್ಯಾಮ್ಮೋಗ್ರಫಿ, ಚರ್ಮಶಾಸ್ತ್ರ ಮತ್ತು ಕ್ಷಯದ ಸ್ಕ್ರೀನಿಂಗ್‌ನಲ್ಲಿನ ಅನ್ವೇಷಣೆಗಳು, ಮತ್ತು ಇತ್ಯಾದಿಗಳಿಗಾಗಿ ARDA ನಂತಹ ಉತ್ಪನ್ನಗಳ ಸಹಾಯದಿಂದ ರೋಗವನ್ನು ಸ್ಕ್ರೀನ್ ಮಾಡಿ, ಪತ್ತೆಹಚ್ಚುವ ಮೂಲಕ ಇದನ್ನು ಸಾಧಿಸುತ್ತಿದ್ದೇವೆ.
Google Health Deepmind ಗೆ ಏನಾಯಿತು?
Deepmind ವಿಜ್ಞಾನದಲ್ಲಿ ಪ್ರಗತಿ ಸಾಧಿಸಿ, ಮನುಷ್ಯಕುಲಕ್ಕೆ ಪ್ರಯೋಜನ ಒದಗಿಸಲು ಬುದ್ಧಿವಂತಿಕೆಯ ಪರಿಹಾರಗಳನ್ನು ಒದಗಿಸಲು ಬದ್ಧವಾಗಿದೆ. DeepMind ಅನ್ನು Google 2014 ರಲ್ಲಿ ಸ್ವಾಧೀನಪಡಿಸಿಕೊಂಡಿತು.
Fitbit, Google Health ನ ಭಾಗವೇ?
Fitbit ಅನ್ನು ಸುರಕ್ಷಿತ ಮತ್ತು ಹೆಚ್ಚು ಸಕ್ರಿಯ ಜೀವನ ನಡೆಸಲು ಜನರಿಗೆ ನೆರವಾಗಲು ಮೀಸಲಿಡಲಾಗಿದೆ. Fitbit ಅನ್ನು Google 2021 ರಲ್ಲಿ ಸ್ವಾಧೀನಪಡಿಸಿಕೊಂಡಿತು.
ನನಗೆ ಇತ್ತೀಚಿನ Google Health ಸುದ್ದಿ ಎಲ್ಲಿ ದೊರೆಯುತ್ತದೆ?
Google Health ನಲ್ಲಿನ ಇತ್ತೀಚಿನ ಸುದ್ದಿಯನ್ನು ಕೀವರ್ಡ್, ಎಂಬ Google Health ಬ್ಲಾಗ್ನಲ್ಲಿ ಕಾಣಬಹುದು.
Google Health ಇನ್ನೂ ಅಸ್ತಿತ್ವದಲ್ಲಿದೆಯೇ?
Google Health ಸ್ಥಗಿತಗೊಳ್ಳುತ್ತಿಲ್ಲ ಮತ್ತು ಆರೋಗ್ಯ ಮಾಹಿತಿಯನ್ನು ಒಟ್ಟುಗೂಡಿಸುವ ಮತ್ತು ಅರ್ಥಪೂರ್ಣವಾಗಿಸುವ ಉತ್ಪನ್ನಗಳು ಮತ್ತು ಸೇವೆಗಳ ಮೂಲಕ ಜನರಿಗೆ ಆರೋಗ್ಯವಂತರಾಗಿರಲು ಸಹಾಯ ಮಾಡುವ ತನ್ನ ಧ್ಯೇಯವನ್ನು ಮುಂದುವರಿಸಿಕೊಂಡು ಹೋಗುತ್ತಿದೆ.
Google Health ಏಕೆ ವಿಫಲವಾಯಿತು?
ಆರೋಗ್ಯ ಮಾಹಿತಿಯ ಜೊತೆ ಸಂಪರ್ಕ ಸಾಧಿಸಲು ಮತ್ತು ಅದಕ್ಕೆ ಅರ್ಥ ಒದಗಿಸಲು Google Health ಹೊಸ ಉತ್ಪನ್ನಗಳು, ಸೇವೆಗಳು, ಅನುಭವಗಳು ಮತ್ತು ಸಂಶೋಧನೆಯನ್ನು ಬಿಡುಗಡೆಗೊಳಿಸುವುದನ್ನು ಮುಂದುವರಿಸುತ್ತದೆ.
Google Health ಗೆ ಏನಾಯಿತು?
Google Health ಎಂಬುದು ಕಂಪನಿ ಮಟ್ಟದ ಪ್ರಯತ್ನವಾಗಿದ್ದು, ಉತ್ತಮ, ತ್ವರಿತ ಮತ್ತು ಹೆಚ್ಚು ಸಂಪರ್ಕಗೊಂಡಿರುವ ಆರೈಕೆಯನ್ನು ಒದಗಿಸಲು ಆರೈಕೆ ತಂಡಗಳನ್ನು ಸಶಕ್ತವಾಗಿಸಲು ತಂತ್ರಜ್ಞಾನದ ಪರಿಹಾರಗಳನ್ನು ಅಭಿವೃದ್ಧಿಪಡಿಸುವ; ಆರೋಗ್ಯದ ವಿಚಾರದಲ್ಲಿ ಕ್ರಮ ಕೈಗೊಳ್ಳಲು ಅಗತ್ಯವಿರುವ ಮಾಹಿತಿ, ಸಹಾಯ ಮತ್ತು ಸಂಪರ್ಕಗಳನ್ನು ಒದಗಿಸುವ ಮೂಲಕ ಆರೋಗ್ಯವಂತರಾಗಿರಲು ಜನರನ್ನು ಸಶಕ್ತರನ್ನಾಗಿಸುವ; ಹಾಗೂ ಕ್ಯಾನ್ಸರ್ ಪತ್ತೆಹಚ್ಚುವಿಕೆ, ರೋಗಿಗಳ ಫಲಿತಾಂಶಗಳ ಮುನ್ಸೂಚನೆ ನೀಡುವಿಕೆ, ಕುರುಡತನದ ತಡೆಗಟ್ಟುವಿಕೆ ಮತ್ತು ಇನ್ನೂ ಬಹಳಷ್ಟು ವಿಚಾರಗಳಲ್ಲಿ ನೆರವಾಗಲು ಕೃತಕ ಬುದ್ಧಿಮತ್ತೆಯನ್ನು ಬಳಸಬಹುದೇ ಎಂದು ಅನ್ವೇಷಿಸುವ ಉದ್ದೇಶವನ್ನು ಹೊಂದಿದೆ.