आरोग्यासंबंधी योग्य माहितीचे दर्जेदार स्रोत मिळवा

तुमची दैनंदिन कामे, हृदयाचे ठोके, झोप आणि अशा बऱ्याच गोष्टींच्या रीअल-टाइम डेटाच्या मदतीने तुमच्या प्रगतीवर लक्ष ठेवा. हृदयाच्या ठोक्यांतील चढ-उतार (HRV), रक्तातील ऑक्सीजनचे प्रमाण (SpO2) तसेच त्वचेवरील तापमान अशा गोष्टींवरून तुमच्या आरोग्याच्या मेट्रिक्सचे ट्रेंड पहा आणि आरोग्याची माहिती घेत रहा. Fitbit च्या प्रशिक्षकांकडून प्रेरणास्पद व्यायाम शिका.

Google Search वापरून लोक दिवसाकाठी कोट्यावधी प्रश्न आरोग्याबद्दल विचारतात आणि त्यांना अतिशय उपयुक्त आणि कामास येणारी माहिती, तसेच सेवा मिळवण्यासाठी संपर्क माहिती मिळते. लगेच अपॉइंटमेंट देऊ शकणारे आरोग्य सेवा पुरवठादार शोधण्यापासून ते पुरवठादार कोणता विमा स्वीकारतील इथपर्यंत माहिती देऊन, आम्ही लोकांना त्यांच्या गरजेच्या वेळी मदत करू इच्छितो.

Health Connect वापरून तुम्ही अगदी सहजपणे Android वर निरनिराळ्या अ‍ॅपमधील आरोग्य, फिटनेस आणि एकंदर कल्याणाचा डेटा एकाच ठिकाणी पाहू शकता, तसे करताना तुमची गोपनीयता राखली जाते. तुम्हाला गतिविधींवर लक्ष द्यायचे असेल किंवा झोपेवर, पोषणावर लक्ष द्यायचे असेल किंवा शरीराच्या मुख्य लक्षणांवर, निरनिराळ्या अ‍ॅपदरम्यान डेटा शेअर केल्याने तुम्हाला तुमच्या आरोग्य आणि फिटनेसचे एक संपूर्ण चित्र पहायला मिळू शकते आणि तुमच्या दैनंदिन कामांचा त्यावर कसा प्रभाव पडतो हे समजू शकते. गोपनीयता आणि सुरक्षा तर Health Connect चा पायाच आहेत. - तुमचा डेटा कोणासोबत शेअर व्हावा आणि कुठल्या प्रकाचा डेटा शेअर व्हावा हे तुम्हीच ठरवता. मनात येईल तेव्हा तुम्ही डेटा डिलीट करू शकता किंवा शेअर करणे बंद करू शकता.

स्पष्ट आणि रंजक माहिती देणाऱ्या जगभरातील आरोग्य तज्ञांनी तयार केलेला आशय पहा. YouTube वर आरोग्य सेवा तज्ञ आणि रुग्णालयांपासून ना-नफा संस्था आणि आरोग्य अधिकाऱ्यांपर्यत सर्वांकडून तुमच्या आरोग्य-संबंधी प्रश्नांची योग्य आणि सहज समजतील अशी उत्तरे मिळवा. तुम्हाला शारीरिक किंवा मानसिक समस्यांसाठी भावनात्मक आधार देणाऱ्या गोष्टीदेखील इथे मिळतील. या गोष्टी अशा निर्माणकर्त्यांनी तयार केल्या आहेत ज्यांना काही वैद्यकीय समस्यांचा स्वानुभव आहे.

आघाडीच्या संस्थांमधील आरोग्यविषयक अभ्यासामध्ये थेट तुमच्या फोनवरून सुरक्षितपणे भाग घ्या. अभ्यासांचे निष्कर्ष पहा आणि तुमचा आरोग्य डेटा संशोधकांना कशी मदत करत आहे तेसुद्धा पहा. दर आठवड्याला फक्त एक मिनिट द्या आणि आरोग्य सेवेसंबंधी संशोधनात सुधारणा करण्यात मदत करा.

दुसऱ्या जनरेशनच्या Nest Hub मधील Sleep Sensing वापरून अधिक चांगली झोप घ्या.¹ याने तुमच्या झोपेवर लक्ष ठेवले जाते आणि तुमचा श्वास आणि खोकला किंवा घोरणे यासारखे त्यातील व्यत्यय कळू शकतात.² Sleep Sensing तुम्हाला अधिक चांगली झोप घेण्यासाठी पर्सनलाइझ केलेल्या इनसाइट आणि टिप्स देते. तर व्यवस्थित आराम करा, ताजेतवाना होऊन उठा आणि दिवसभर उत्साही रहा.

अमेरिकेत असलेल्या लोकांनी PTSD सारख्या मानसिक विकारांशी संबंधित माहिती शोधल्यावर त्यांना चिकित्सालयांनी प्रमाणित केलेल्या स्व-तपासण्या मिळू शकतात. प्रश्नांच्या उत्तरांवरून ही टूल लोकांना हे समजून घेण्यात मदत करतात की त्यांची लक्षणे एखाद्या मानसिक विकाराशी संबंधित आहेत किंवा नाही, तसेच त्यांना मानसिक आरोग्य सेवा मिळवण्यासाठी योग्य संसाधने आणि मदतीच्या पर्यायांच्या लिंक सुद्धा देतात.