ಆಟೋಮೇಟೆಡ್ ರೆಟಿನಲ್ ಡಿಸೀಸ್ ಅಸೆಸ್‌ಮೆಂಟ್ ಅಥವಾ ARDA, ಇತರ ರೋಗಗಳನ್ನು ಗುರುತಿಸುವಲ್ಲಿ ಕ್ಲಿನಿಶಿಯನ್‌ಗಳಿಗೆ ಸಹಾಯ ಮಾಡಲು AI ಅಲ್ಗಾರಿದಮ್‌ಗಳ ಭವಿಷ್ಯದ ಸಾಧ್ಯತೆಗಳ ಜೊತೆಗೆ ಡಯಾಬಿಟಿಕ್ ರೆಟಿನೋಪತಿಯನ್ನು ಪತ್ತೆಹಚ್ಚುವುದಕ್ಕೆ ಆರೋಗ್ಯ ಕಾರ್ಯಕರ್ತರಿಗೆ ಸಹಾಯ ಮಾಡಲು ಕೃತಕ ಬುದ್ಧಿಮತ್ತೆಯನ್ನು ಬಳಸುತ್ತದೆ.
A.I. ಸರಣಿಗಳ ಯುಗ, YouTube. ನೆಟ್‌ವರ್ಕ್ ಎಂಟರ್‌ಟೈನ್‌ಮೆಂಟ್‌ನಿಂದ ಕೃತಿಸ್ವಾಮ್ಯ
ಡಯಾಬೆಟಿಕ್ ರಿಟಿನೋಪಥಿಯು ರೆಟಿನಾದ ಹಿಂಭಾಗದಲ್ಲಿ ಗಾಯಗಳನ್ನು ಉಂಟುಮಾಡುತ್ತದೆ ಮತ್ತು ಇದರಿಂದ ಸಂಪೂರ್ಣ ಕುರುಡುತನ ಉಂಟಾಗಬಹುದು. ಡಯಾಬೆಟಿಸ್ ರೋಗಪತ್ತೆಯಾಗಿರುವ ಜನರನ್ನು ಮುಂಚಿತವಾಗಿ ಪರೀಕ್ಷಿಸುವುದು ಬಹುಮುಖ್ಯವಾಗಿದೆ, ಆದರೆ ಜಾಗತಿಕವಾಗಿ 420 ಮಿಲಿಯನ್ ಜನರಿಗೆ ಡಯಾಬೆಟಿಸ್ ಇರುವ ಕಾರಣ, ಪ್ರತಿಯೊಬ್ಬ ರೋಗಿಯನ್ನು ಪರೀಕ್ಷಿಸುವುದು ಅಸಾಧ್ಯವಾದ ಸಂಗತಿಯಾಗಿದೆ. ರೋಗದ ಕುರಿತಾದ ಅರಿವಿನ ಕೊರತೆ ಮತ್ತು ಅದನ್ನು ಪರೀಕ್ಷಿಸಲು ಬೇಕಾಗುವ ಸಂಪನ್ಮೂಲಗಳ ಕೊರತೆ ದೊಡ್ಡ ಸಮಸ್ಯೆಗಳಾಗಿವೆ.
JAMA ನಲ್ಲಿ ಪ್ರಕಟವಾಗಿರುವ ಸಂಶೋಧನೆಯಲ್ಲಿ , Google ನ ಕೃತಕ ಬುದ್ಧಿಮತ್ತೆಯು ಡಯಾಬೆಟಿಕ್ ರೆಟಿನೋಪಥಿಯನ್ನು ಪತ್ತೆಹಚ್ಚಲು ರೆಟಿನಲ್ ಸ್ಕ್ಯಾನ್‌ಗಳನ್ನು ನಿಖರವಾಗಿ ವ್ಯಾಖ್ಯಾನಿಸಿದೆ. AI ಮಾಡೆಲ್‌ಗೆ ತರಬೇತಿ ನೀಡುವಂತಹ ಡೇಟಾಸೆಟ್ ಒಂದನ್ನು ರಚಿಸುವುದು ಈ ಪ್ರಕ್ರಿಯೆಯ ಕ್ಲಿಷ್ಟಕರ ಭಾಗವಾಗಿತ್ತು – ಈ ಕಾರ್ಯಕ್ಕಾಗಿ ತೀವ್ರತೆಯ ವಿಭಿನ್ನ ಶ್ರೇಣಿಗಳನ್ನು ಗುರುತಿಸಲು ನೇತ್ರಶಾಸ್ತ್ರಜ್ಞರ ದೊಡ್ಡ ತಂಡವೊಂದು ಸ್ಕ್ಯಾನ್‌ಗಳನ್ನು ಒಂದಾದ ಮೇಲೊಂದರಂತೆ ಸ್ಕೋರ್ ಮಾಡಿ ಲೇಬಲ್ ಮಾಡಿತು.
100,000 ಕ್ಕೂ ಹೆಚ್ಚು ಗುರುತಿಸಲಾಗದ ರೆಟಿನಾದ ಸ್ಕ್ಯಾನ್‌ಗಳನ್ನು ಕೈಯಾರೆ ಪರಿಶೀಲಿಸುವ ಮೂಲಕ AI ಮಾದರಿಯನ್ನು ತರಬೇತಿ ನೀಡುವುದಕ್ಕೆ ನಮಗೆ ಸಹಾಯ ಮಾಡಿದ ನೇತ್ರಶಾಸ್ತ್ರಜ್ಞರ ದೊಡ್ಡ ತಂಡದ ಜೊತೆಗೆ Google ಕೆಲಸ ಮಾಡಿದೆ. ಇದು ಆಟೋಮೇಟೆಡ್ ರೆಟಿನಲ್ ಡಿಸೀಸ್ ಅಸೆಸ್‌ಮೆಂಟ್ ಎಂಬ AI ಆಧಾರಿತ ಅಪ್ಲಿಕೇಶನ್‌ನ ಅಭಿವೃದ್ಧಿಗೆ ಕಾರಣವಾಯಿತು. ಭಾರತ ಮತ್ತು ಥೈಲ್ಯಾಂಡ್‌ನಂತಹ ಸಾಕಷ್ಟು ಕಣ್ಣಿನ ತಜ್ಞರಿಲ್ಲದ ದೇಶಗಳಲ್ಲಿ ಉತ್ತಮ ಗುಣಮಟ್ಟದ ಡಯಾಬೆಟಿಕ್ ರೆಟಿನೋಪತಿ ಸ್ಕ್ರೀನಿಂಗ್ ಪ್ರೋಗ್ರಾಂಗಳನ್ನು ವಿಸ್ತರಿಸಲು ಈ ಅಪ್ಲಿಕೇಶನ್ ವೈದ್ಯರಿಗೆ ಸಹಾಯ ಮಾಡುತ್ತದೆ.
ಲಿಲಿ ಅವರು AI ತಂತ್ರಜ್ಞಾನದ ಹಿಂದಿರುವ ತಂಡವನ್ನು ಮುನ್ನಡೆಸುತ್ತಾರೆ, ಫಾರ್ಚೂನ್ ಮೂಲಕ ಗುರುತಿಸಲ್ಪಟ್ಟ ಆರೋಗ್ಯಸೇವೆಯಲ್ಲಿ "40 ವರ್ಷದೊಳಗಿನ 40" ಉದಯೋನ್ಮುಖ ನಾಯಕರಲ್ಲಿ ಒಬ್ಬರಾಗಿದ್ದಾರೆ.
ಭಾರತ ಮತ್ತು ಯುರೋಪಿಯನ್ ಒಕ್ಕೂಟದಲ್ಲಿ ಡಯಾಬೆಟಿಕ್ ರೆಟಿನೋಪತಿಯನ್ನು ಪತ್ತೆಹಚ್ಚಲು ನಮ್ಮ ಪರಿಹಾರವನ್ನು ಬಳಸಲಾಗುತ್ತಿದೆ. ಪ್ರಸ್ತುತ ಯುನೈಟೆಡ್ ಸ್ಟೇಟ್ಸ್ ಮತ್ತು ಥೈಲ್ಯಾಂಡ್‌ನಲ್ಲಿನ ಕ್ಲಿನಿಕಲ್ ಅಧ್ಯಯನಗಳಲ್ಲಿ ಪರಿಹಾರವನ್ನು ಮೌಲ್ಯಮಾಪನ ಮಾಡಲಾಗುತ್ತಿದೆ. ಪ್ರಪಂಚದಾದ್ಯಂತ ಈ ಪರಿಹಾರವು ಲಭ್ಯವಾಗುವಂತೆ ಮಾಡಲು ನಾವು ಅನೇಕ ಪಾಲುದಾರರೊಂದಿಗೆ, ವಿಶೇಷವಾಗಿ ತಜ್ಞರ ಆರೈಕೆಯು ಕಡಿಮೆ ಲಭ್ಯವಿರುವ ಪ್ರದೇಶಗಳಲ್ಲಿ ಕೆಲಸ ಮಾಡುತ್ತಿದ್ದೇವೆ.
ಡಯಾಬೆಟಿಕ್ ರೆಟಿನೋಪಥಿಯನ್ನು ಪತ್ತೆಹಚ್ಚಲು ವೈದ್ಯರಿಗೆ ಸಹಾಯ ಮಾಡುವ ಸ್ವಯಂಚಾಲಿತ ರೆಟಿನಲ್ ರೋಗದ ಮೌಲ್ಯಮಾಪನದ ಸಹಾಯದಿಂದ ಡಯಾಬೆಟಿಸ್ ಹೊಂದಿರುವ ಇನ್ನೂ ಬಹಳಷ್ಟು ಜನ ರೋಗಿಗಳು ತಮ್ಮ ದೃಷ್ಟಿಯನ್ನು ಭಾಗಶಃ ಉಳಿಸಿಕೊಳ್ಳಬಹುದೆಂಬ ಆಶಾವಾದ ನಮ್ಮದಾಗಿದೆ. ಗಂಭೀರ ರೋಗಗಳನ್ನು ಪತ್ತೆಹಚ್ಚುವಲ್ಲಿ AI ಅಲ್ಗಾರಿದಮ್‌ಗಳ ಬಳಕೆಯ ಮುಂದುವರಿದ ಸಾಧ್ಯತೆಗಳ ಕುರಿತಾದ ನಮ್ಮ ಆರಂಭಿಕ ಸಂಶೋಧನೆಯ ಫಲಿತಾಂಶ ಪ್ರೋತ್ಸಾಹದಾಯಕವಾಗಿದೆ ಮತ್ತು ಸಮಸ್ಯೆಗಳನ್ನು ಗುರುತಿಸಲು ಸರಳ ಸ್ಕ್ರೀನಿಂಗ್ ಪರಿಕರಗಳನ್ನು ಬಳಸುವಂತಹ ಪ್ರಪಂಚವೊಂದನ್ನು ನಾವು ಎದುರುನೋಡುತ್ತಿದ್ದೇವೆ. ಇನ್ನಷ್ಟು ಓದಿರಿ
ಮಾನವ ದೇಹವು ಪರಿಪೂರ್ಣವಲ್ಲ, ಆದರೆ A.I ನ ಅದ್ಭುತಗಳ ಮೂಲಕ ಸಂಶೋಧನಾ ವಿಜ್ಞಾನಿಗಳು ಆ ಅಪೂರ್ಣತೆಗಳನ್ನು ಪರಿಹರಿಸಲು ಮಾರ್ಗಗಳನ್ನು ಕಂಡುಕೊಳ್ಳುತ್ತಿದ್ದಾರೆ. ಡಯಾಬಿಟಿಕ್ ರೆಟಿನೋಪಥಿಯನ್ನು ಪತ್ತೆ ಮಾಡಲು ಮಾನವ ಕಣ್ಣಿನ ಮೂಲಕ ಸಂಶೋಧನೆಯು ಆ ಕ್ಷೇತ್ರಗಳಲ್ಲಿ ಒಂದಾಗಿದೆ.
A.I. ಸರಣಿಗಳ ಯುಗ, YouTube. ನೆಟ್‌ವರ್ಕ್ ಎಂಟರ್‌ಟೈನ್‌ಮೆಂಟ್‌ನಿಂದ ಕೃತಿಸ್ವಾಮ್ಯ